Eins og auglýst var í útvarpi í gær og fyrradag þá vorum við í viðhaldi hérna í Jarðböðunum og stóð til að lokað yrði í dag líka. Skýringin á þessari stöðvun var sú að Landsvirkjun skrúfaði fyrir rennsli á jarðhitavatni til okkar vegna viðhalds í skiljustöð. Það verk gekk hins vegar framar vonum og var vatni aftur hleypt á í gærkvöld. Við notuðum tímann vel hérna hjá okkur og hreinsuðum útfellingar úr öllum lögnum og erum því tilbúinn að taka á móti vetri konungi.

Verið ávallt velkomin í Jarðböðin. Opið daglega frá 12-22.